नेपालमा हुने गरेका विभिन्न विसंगती र विकृतीका विरुद्ध टेलिसिरयल मार्फत जनचेतना जगाउँदै आएका चर्चित हाँस्य जोडी मदनकृष्ण श्रेष्ठ र हरिवंश आचार्य अझै पनि थाकेका छैनन् । यो जोडीले सधै नै जनतालाई चेतना जगाउन अग्रसर हुने बताउँदै आएको छ ।यही क्रममा शुक्रबारदेखि मह जोडीको नयाँ सिरियल नेपाल टेलिभिजनबाट प्रशारण सुरू भएको छ । साउन ४ गते शुक्रबारबाट प्रशारण सुरू भएको यो सिरियलको नाम ‘आँsss ‘ राखिएको छ ।


स्थानिय स्तरमा हुने गरेका भ्रष्टचारलाई यो सिरियलले प्रस्तुत गर्ने छ । यो सिरियलमा हरिवंशलाई पत्रकारको भूमिकामा देख्न सकिन्छ । सिरियलमा नायिका झरना थापा, सिताराम कट्टेल ‘धुर्मुस’, आकाश खवास, कमलकृष्णलाई पनि देख्न सकिनेछ । आँsss प्रत्यक शुक्रबार बेलुकी ८ बजेर ५० मिनेटमा नेपाल टेलिभिजनमा प्रशारण हुन्छ।